Ministri i Brendshëm Bledi Çuçi ka reaguar pas deklaratës së ish-drejtorit të policisë Gledis Nanos se 14 kriminelë të rrezikshëm kishin arritur të ikin pasi u dekonspiruan operacionet. Çuçi ka zgjedhur të thumbojë Nanon, por në të njëjtën kohë të lajë edhe duart për vete me përgjigjen e tij.
"Kur nuk e di drejtori i përgjithshëm i policisë në detyrë, vështirë do ta dijë ministri këtë gjë. Ne padiskutim që do ta hetojmë dhe thellojmë hetimin dhe këtu do të përfshihet dhe ish drejtori i përgjithshëm i policisë që bëri këtë deklaratë të tillë", tha Çuçi.
