Një kompani e themeluar nga Jolie ka ngritur një padi 250 milionë dollarësh kundër Brad Pitt duke pretenduar se ai dhe disa miq nisën një fushatë për të "marrë kontrollin" e kantinës franceze që ata blenë si çift "në hakmarrje për procedurat e divorcit dhe kujdestarisë”.
Padia pretendon gjithashtu se Pitt u përpoq të përdorte aksionet e mëdha financiare të Jolie në kantinë për ta detyruar atë të nënshkruante një "klauzolë të heshtjes" që do ta heshte atë nga diskutimi i rrethanave që çuan në divorcin e tyre dhe se Pitt shpërdoroi miliona para të kompanisë për "projekte kotësie", duke përfshirë më shumë se një milion dollarë në një pishinë.
Dokumentet gjyqësore të paraqitura të martën në Los Anxhelos pretendonin se pasi dyshja blenë pronën prej 1300 hektarësh në jug të Francës në vitin 2008, ata investuan së bashku dhjetëra miliona dollarë për ta përmirësuar atë.
Padia thotë se Jolie dhe Pitt zotëronin secili 50% dhe se "shumë nga pasuria personale e Jolie" ishte e lidhur në kantinë.
Aty thuhet se dshja kishin një marrëveshje që aktorja "Malificent" do të mbikëqyrte projektet e tyre humanitare, duke përfshirë Fondacionin Jolie-Pitt, ndërsa "mbikëqyrja e investimit të çiftit në Chateau Miraval u la në duart e Pitt".
Padia u ngrit nga Nouvel, kompania që Jolie themeloi për të mbajtur aksionet e saj në kantinë, të cilën ajo ia shiti së fundmi gjigantit të pijeve Stoli.
“Në hakmarrje për procedurat e divorcit dhe kujdestarisë, Pitt filloi një fushatë shumëplanëshe dhe shumëvjeçare për të marrë kontrollin e Chateau Miraval dhe për të përvetësuar asetet e kompanisë për përfitimin e tij, të kompanive dhe miqve të tij, drejtorët e Chateau Miraval Gary Bradbury, Roland Venturini dhe Warren Grant, dhe partnerët e tij të biznesit, Marc Perrin, Familles Perrin dhe Miraval Provence . Duke e emëruar veten pronar të ligjshëm të Chateau Miraval, objektivat e tij ishin të merrte pronësinë e vetme të Chateau Miraval", shkruhet në ankesë.
Dyshja kanë patur përplasje të ndryshme ligjore për pronën për muaj të tërë. Kjo dosje e fundit është një kundërpadi kundër dokumenteve të paraqitura nga avokatët e Pitt.
Çifti e bleu pasurinë tre vjet pasi filluan të takoheshin. Ata u martuan në vitin 2014./Lapsi.al
