Jane Fonda ka folur për herë të parë për diagnozën e saj të kancerit.
Përmes blogut të saj, aktorja tregoi se ishte 'thellësisht e prekur dhe e emocionuar nga dashuria e fansave', pasi zbuloi javën e kaluar se ishte diagnostikuar me Limfomën non-Hodgkin.
Jane zbuloi gjithashtu se ajo do të fillonte kimioterapinë pas tre javësh, dhe pavarësisht se kishte luftuar me sëmundjen dy herë më parë, asaj i është thënë se gjendja është 'shumë e trajtueshme'.
“Jam emocionuar thellësisht nga dashuria dhe mbështetja që kur bëra publik faktin se jam diagnostikuar me Limfomën Non-Hodgins me qeliza B.
'Falënderimet e mia të përzemërta për të gjithë. Mesazhet e dashurisë dhe mbështetjes kanë kuptimin e botës për mua.Dua të them sërish se ky është një kancer shumë i trajtueshëm dhe është bërë shumë përparim me ilaçet që u jepen pacientëve”, shtoi ajo.
“Që nga java e kaluar, kaq shumë njerëz më kanë shkruar ose postuar se kanë pasur këtë lloj kanceri dhe nuk kanë vuajtur më për shumë dekada.
"Epo, së shpejti do të bëhem 85 vjeç, kështu që nuk do të më duhet të shqetësohem për "shumë dekada".
Duke detajuar gjendjen e saj aktuale shëndetësore, aktorja shpjegoi se po ndihet mirë përpara seancës së saj të parë të kimioterapisë pas tre javësh dhe po ndjek këshillën e mjekut për të mbajtur aktive.
Jane rrëfeu: “Sot, rreth 3 javë nga seanca ime e parë e kimioterapisë, duhet t'ju them se ndihem më e fortë se sa kam qenë në vite.
“Doktori më tha se antidoti më i mirë për lodhjen që mund të shkaktojë kimioterapia është lëvizja. Ecni. Dhe unë kam qenë duke ecur. Gjithashtu stërvitem.'
Të premten, Fonda zbuloi në Instagram se ishte diagnostikuar me kancer për herë të tretë.
'Pra, miqtë e mi të dashur, kam diçka personale që dua të ndaj.Jam diagnostikuar me limfomën non-Hodgkin dhe kam filluar kimioterapinë. Ky është një kancer shumë i shërueshëm. 80% e njerëzve mbijetojnë, ndaj ndihem shumë me fat", shkroi ajo.
Aktorja është diagnostikuar më parë me kancer të gjirit dhe të lëkurës./Lapsi.al
