Agjencitë qeveritare ukrainase kanë lajmëruar se një pensionist ukrainas rrëzoi një avion rus Su-34 me pushkë. Ai është identifikuar si Valeriy Fedorovych dhe thuhet se hapi zjarr kur avioni armik fluturonte mbi qytetin Chernhiv.
Pretendohet se ai rrëzoi avionin, i cili kushton rreth 74 milionë paund. Ka një video që qarkulloni në atë kohë një avion duke rënë në tokë, megjithëse pensionisti nuk shihej gjëkund. Tashmë Shërbimi Kufitar Shtetëror e ka nderuar pensionistin dhe ka përshëndetur “heroizmin” e tij duke i dhënë një medalje.
Pamjet e shpërndara nga agjencia e kufirit të Ukrainës tregojnë Fedorovych duke ecur me një pushkë të vendosur mbi supe nëpër qytetin e shkatërruar kryesisht nga bombardimet ruse. Ai mori disa nga mbeturinat e avionit të “rrëzuar” të cilat i mban në garazhin e tij.
Ky po trumbetohet si një nga historitë e shumta të trimërisë së jashtëzakonshme nga civilët ukrainas përballë pushtimit barbar të Putinit. ©LAPSI.al
