Një zbulim i rrallë është bërë në Poloni në varrezat e fshatit Pien. Arkeologët gjetën eshtrat e një “gruaje vampir” që i përket shekullit të 17-të.
Ajo ishte varrosur me një kosë rreth qafës dhe me një dry të ngjitur në gishtin e madh të këmbës së saj të majtë. Kjo bëhej për të "parandaluar kthimin e saj nga të vdekurit".
Ajo që ra në sy ishte edhe zbulimi i mbetjeve të një kapele mëndafshi do tregon se gruaja i përkiste një klase të lartë shoqërore. Ajo mori emrin “gruaja vampir” për shkak të një dhëmbi prerës shumë të dalë dhe që i jepte një pamje të pazakontë.
Udhëheqësi i ekipit të kërkuesve, profesor Dariusz Poliński i Universitetit Nicholas Copernicus të qytetit Torun tha se mënyra e varrimit ishte shumë e pazakontë. ©LAPSI.al
