Modelja e njohur, Emily Ratajkowski është tashmë në qendër të vëmendjes, që pas ndarjes nga ish-partneri Sebastian Bear-McClard.
Së fundmi, Emily ka publikuar një video në TikTok duke iu bashkuar trendit: “Ai është 10 por…”
“Kur ai mendon se është 10 sepse ai ju tërhoqi, por ju pëlqeni burrat e shëmtuar”, thuhej në video.
Mirëpo, poshtë videos Emily shkroi: “Për arsye ligjore kjo është një shaka”.
Por shumë persona mendojnë se ky trend është një ‘kunjë’ për ish-in e saj.
“Ky trend është krijuar fjalë për fjalë për ju…”– kishte shkruar një komentues.
Emily Ratajkowski tashmë është larguar nga shtëpia që jetonte me Sebastian Bear-McClard në Manhattan.
Bukuroshja është fotografuar më herët teksa ka qenë duke nxjerrë mobiljet e saj si dhe veshjet nga shtëpia.
Një burim i afërt me modelen konfirmoi për revistën ‘People’ se çifti është ndarë.
“Ata u ndanë së fundmi. Ishte vendimi i Emily. Ajo po shkon mirë. Ajo është e fortë dhe e fokusuar te djali i saj. I pëlqen të jetë nënë”- thotë burimi i brendshëm, duke shtuar se modelja ka në plan të bëjë kërkesë për divorc.
Fillimisht nisën spekulimet për një ndarje të mundshme javën e kaluar pasi modelja u duk pa unazën e saj të martesës. Ajo gjithashtu nuk e ka vënë në fotot e saj të fundit në Instagram. Një burim i tha ‘Page Six’ se Sebastian është një ‘mashtrues serial’.
“Po, ai tradhtoi. Ai është një mashtrues serial. Është i shpifur. Ai është si një qen.”- tha burimi.
