Firma e kryeministrit Edi Rama nuk ka qenë vetëm në miratimin e projektit të “Prestige Resort” që prej 3 ditësh tashmë sheh fadromat në oborrin e tij. BalkanWeb ka publikuar një vizatim të firmosur nga kreu i qeverisë për pronarin Irfan Hysenbelliu ku ai skiconte pishinat që tashmë janë shkatërruar po prej tij.
Ishte skica e kryeministrit që ai e ka quajtur “pema e jetës” që më pas do të implementohej. Madje sipas mediave në fjalë, ishte vetë Rama që ndryshoi ngjyrën me të cilën ishte lyer kompleksi.
Prishja e objekteve në kompleksin e njohur ishte kulmi i përplasjes së qeverisë Rama me grupin mediatik të Irfan Hysenbelliut me të cilin. Skicat e publikuara nga mediat e biznesmenit tregojnë afërsinë që ai ka pasur me kryeministrin, miqësi që tashmë është thyer për arsye që mbeten të paqarta. ©LAPSI.al
