Një aksident është shënuar në autostradën Levan–Tepelenë. Mësohet se një automjet tip Toyota ka dalë jashtë rruge për të përfunduar në kanal. Burimet paraprake bëjnë me dije se 3 persona janë lënduar dhe janë nisur drejt spitalit të Fierit. Mësohet se kanë qenë banorët e zonës që i kanë dhënë ndihmën e parë të lënduarve. Po të njëjtat burime saktësojnë se në drejtimin e mjetit ka qenë një femër.
Kjo e fundit është trembur pasi i është futur në parakalim një makinë tjetër. Thirrja në urgjencë ka bërë që të nisen dy ekipe të spitalit të Fierit dhe uniformat blu.
