Në ditën e dytë të rikthimit në krye të Inspektoriatit Kombëtar të Mbrojtjes së Territorit, Dallëndyshe Bici ka bërë ekzaktësisht atë që kërkonte Edi Rama nga paraardhësi i saj, Ajet Zyberaj. Ka çuar fadromat në resortin e Irfan Hysenbelliut për të shembur disa mure rrethuese dhe një pishinë. IKMT pretendon se ndërhyrja është pa leje, ndërsa subjekti thotë të kundërtën.
Shkarkimi i Ajet Zyberajt nga IKMT është bërë pikërisht për shkak të përplasjes me Edi Ramës për ndërhyrjen në resortin e Irfan Hysenbelliut. Siç Lapsia.al ka raportuar dy ditë më parë, Dallëndyshe Bici njihet si një “kamikaze” e Edi Ramës prandaj u rikthye në këtë institucion si e vetmja që mund të bëjë ato që i kërkon kryeministri, në shumë raste dhe duke shkelur në mënyrë flagrante ligjin. ©LAPSI.al
