Në komunikimin e përjavshëm me gazetarët, kryetari i Partisë Demokratike Sali Berisha ka folur rreth nismës “Ballkani i Hapur” duke ritheksuar se është një nismë antishqiptare. Sipas kryedemokratit, Vuçiç po e përdor për të shkatërruar prodhimin në Shqipëri dhe Maqedoni pasi asnjë rregull nuk është përcaktuar në tregun e lirë midis kësaj aleance, dhe kundër Kosovës.
"Ballkani i Hapur është në çdo aspekt një nismë antishqiptare. Aleksandër Vuçiç, një serb sa Milloshevici, Gjergjovici dhe sa çdo serbomadh tjetër po e përdor Ballkanin e Hapur në çdo aspekt, po e përdor në rrafshin politik për t’iu kundërvënë Berlinit. Për të vendosur hegjemoninë në Ballkan dhe influencën ruse në rajon. Po e përdor për të shkatërruar prodhimin në Shqipëri dhe Maqedoni pasi asnjë rregull nuk është përcaktuar në tregun e lirë midis kësaj aleance. Po e përdor për të demonizuar politikisht Prishtinën por kjo i dështoi sepse Perëndimi e pa të qartë se kufiri i tij në Ballkan është i Kosovës. Kjo i dështoi. E përdor në rrafshin psikologjik me doktrinën e vjetër të tyre se kemi të bëjmë me dy shqiptarë, shqiptarsi dhe albansi. Të mirët janë në Shqipëri dhe të këqinjtë janë në Kosovë." , tha Berisha.
