Avokati i Dua Lipës ka këmbëngulur se ajo "nuk i ka dëgjuar kurrë" këngët për të cilat akuzohet për shkelje në një padi për të drejtat e autorit për këngën e saj Levitating.
Këngëtarja u padit në mars nga kompozitorët L. Russell Brown dhe Sandy Linzer, të cilët pretenduan se këngëtarja kopjoi këngën e tyre të vitit 1979 Wiggle and Giggle All Night dhe melodinë e 1980 Don Diablo.
Dyshja e kompozitorëve pretendoi se Levitating është "e ngjashme" me Wiggle dhe Giggle All Night, duke vjedhur "melodinë " dhe "elementet kompozicionale".
Avokatja Christine Lepera, që përfaqëson Dua, u përgjigj të martën duke dorëzuar një letër tek një gjykatës federal në Nju Jork. Në letër, ajo këmbënguli që çështja të pushohej menjëherë.
"Shkrimtarët e 'Levitating' nuk i dëgjuan kurrë kompozimet e (paditësve). Nuk ka prova që Lipa ra në kontakt me Wiggle dhe Giggle All Night."
Në një deklaratë për Billboard, avokati i kompozitorëve Jason T Brown tha se ata po përgatiteshin të bënin një "kundërshtim të plotë" ndaj letrës më vonë këtë javë.
Këngëtarja e New Rules gjithashtu po përballet me një tjetër padi mbi Levitating. Ajo u padit në fillim të këtij viti nga grupi reggae Artikal Sound System për kopjimin e këngës së tyre të vitit 2017 Live Your Life./Lapsi.al
