Mediat britanike vijojnë t’i kushtojnë vëmendje rritjes së numrit të azilantëve sidomos nga Shqipëria. “Daily Mail” shkruan se një rol të rëndësishëm ka krimi i organizuar shqiptar.
“Një çmim prej 4 mijë £ duket se është kostoja sipas një postimi të fundit të TikTok në shqip dhe anglisht që ofron nisje çdo ditë. Kjo duket si një ulje e konsiderueshme nga shifa prej rreth 10 mijë £ në të njëjtën kohë të vitit të kaluar.
Rritja e madhe e kësaj vere është nxitur nga një numër i madh i emigrantëve shqiptarë që bëjnë udhëtimin me gomone. Një ekspert i emigracionit tha se numri i të ardhurve në javët e fundit ka qenë ‘absolutisht i paprecedentë’ si për sa i përket atyre që vinin brenda një dite, por edhe numrit që tani po grumbullohet në çdo varkë” – thuhet në shkrim.
“Ne e dimë që kriminelët shqiptarë janë përfshirë në këtë rrugë prej disa kohësh dhe është një progres i natyrshëm që do të gravitojë drejt individëve që flasin të njëjtën gjuhë” – thotë Lucy Moreton, kreu i Unionit të Shërbimit të Emigracionit. ©LAPSI.al
