Ukraina ka akuzuar Rusinë për bombardimet e qëllimshme të rrugëve drejt centralit bërthamor, duke e bërë më të vështirë për inspektorët e IAEA-së vizitën e termocentralit bërthamor Zaporizhzhia në jug të vendit, shkruan The Guardian.
Një këshilltar kryesor i presidentit të Ukrainës, Mykhailo Podolyak, tha se Rusia po përpiqej ta detyronte misionin nga Agjencia Ndërkombëtare e Energjisë Atomike (IAEA), të kalonte përmes Krimesë dhe pjesëve të rajoneve të Luhanskut dhe Donjeckut të pushtuara përkohësisht nga forcat e Moskës.
“Rusia po përpiqet të ndërpresë vizitën e misionit të IAEA-së në termocentralin bërthamor duke simuluar operacione luftarake në Energodar dhe duke bombarduar zonën pranë termocentralit bërthamor”, tha ai.
Pushtuesit nuk e kanë braktisur impiantin, po vazhdojnë bombardimet dhe nuk po tërheqin armët dhe municionet nga vendi. Ata po frikësojnë personelin tonë. Rreziku i një katastrofe bërthamore për shkak të veprimeve ruse nuk po zvogëlohet as për një orë”, shtoi ai.
“Një çmilitarizimi i menjëhershëm dhe total në Zaporizhzhia është i nevojshëm menjëherë.”
