NASA do të bëjë përpjekjen e dytë të shtunën, më 3 shtator, për të nisur raketën e saj të re Space Launch System (SLS) drejt Hënës. Përpjekja e parë më 29 gusht për të nisur këtë raketë në Hënë, u anulua për shkak të problemeve teknike në njërin prej motorëve.
Lëshimi i raketës të shtunën, do të ndodhë në orën 14:17, me orën lokale. Raketa do të lëshohet nga Qendra Ajrore Kennedy në Florida. Inxhinierët do të kenë dy orë kohë për të lançuar raketën nga Toka.