Sekretari i Përgjithshëm i Partisë së lirisë, Tedi Blushi ka akuzuar qeverinë e drejtuar nga kryeministri Edi Rama se është kujdesur që në 10 vite në pushtet, ta kthejë Shqipërinë në një vend ku shtohet vetëm varfëria dhe numri i të burgosurve.
Duke iu referuar një raporti të organizatës prestigjioze “World Prison Population”, Blushi sqaroi se është tepër shqetësues fakti që Shqipëria kryeson mbi vendet e rajonit, si shtetit me më shumë të burgosur për numrin e popullsisë.
“Një tjetër rekord i zi tronditës është që Shqipëria radhitet sot e para në rajon për numrin e të burgosurve në raport me popullatën. Me 179 pikë ndërkohë që vendet e tjera të rajonit janë poshtë kësaj shifre tronditëse”, tha Blushi duke iu referuar një raporti nga organizata prestigjioze “World Prison Population” edicioni i 13.
