Shtetasi turk Faruk Fatih Özer është mbajtur nën përgjim për të paktën 2 javë, duke zbuluar të gjitha lëvizjet e tij bashkë me një grup prej 6 personash. Përgjimet kanë nisur me kërkesë të Prokurorisë së Elbasanit dhe me vendin të Gjykatës së këtij qarku, gjë e cila ka sjellë edhe zbulimin e vendndodhjes së saktë të Faruk Fatih Özer. Pas u siguruan se ku fshihej turku i kërkuar ndërkombëtarisht është organizuar operacioni për kapjen e tij.
Ai u kap në një plazh në jug të Shqipërisë bashkë me Edevaldo Haxhiun, shqiptari që e kishte ndihmuar milionerin e kriptomonedhës turke, Faruk Fatih Özer gjatë arratisjes.
Haxhiu, nipi i Presidentit të Federatës Shqiptare të Futbollit, Armand Dukës është arrestuar për herë të dytë.
Hera e parë ishte në shtator të vitit të kaluar, kur policia e identifikoi si njeriun që mori Özer nga aeroporti në Tiranë dhe e dërgoi në hotel.
Atëherë ai nuk i pranoi akuzat duke u shprehur se nuk e njihte Fatih Ozerin.
Megjithatë, u mësua se policia kishte shumë dëshmi se shqiptari ishte “personi që ndihmoi Fatih Özer të vinte në Shqipëri”.
Milioneri Özer u arratis nga Turqia në 20 prill dhe u strehua në Shqipëri bashkë me një server, brenda të cilit mbahen 108 milionë dollarë në kriptomonedha.
