Partia e Lirisë në një dalje për mediat ka bërë një denoncim në lidhje me ujësjellësin në Memaliaj dhe fshatrave përreth me vlerë mbi 4 mln euro. Deputeti Petrit Vasili ka thënë se është bërë inaugurimi i ujësjellësit, për të cilin ende nuk ishte bërë tender. Vasili tha se kryeministri Edi Rama dhe ministri i Brendshëm Bledi Çuçi nisën më 7 prill të 2021-shit punimet për këtë ujësjellës, pa u shpallur më parë fituesi i tenderit.
Më tej deputeti shprehet se kontrata me kompaninë fituese është lidhur pas 2 muaj e gjysmë.
“Bëhet fjalë për ujësjellësin e Memalijat dhe fshatrave, Investim mbi 4 mln euro, i cili është bërë publik gjoja fillimi i punimeve, më 7 prill të 2021-shit. (jepet kronika ku shihet Çuçi dhe Rama). Tenderi përkatës është 4 mln. Por çka ndodhur? Kryeministri, hajdut dhe grabitqar, inauguron një ujësjellës që nuk ka mbaruar akoma. Ky është skandali, pjesa më rëndë, ku shqiptarët duhet ta kuptojnë. Tenderi, data 9 prill shpallej fituesi, kurse kryeministri në 7 prill shkoi dhe nisi punimet. Kontrata që lidhet për të filluar punimet, u nis në 9 qershor, dy muaj e gjysmë më vonë.”, tha Vasili.
