Ish-polici Sokol Dardha, 49-vjeç, është arrestuar gjatë një aksioni policor në lagjen “1 Maji” të qytetit të Kuçovës me drogë dhe vaj hashashi.
Droga ju gjet gjatë kontrollit të ushtruar në automjetin e tij tip Ford.
Policia ishte njoftuar në rrugë operative për veprimtarinë e tregtimit të lëndëve narkotike që ish efektivi ushtronte prej disa kohësh në qytet.
10 doza lënde narkotike dhe vaj hashashi gjeti dhe sekuestroi policia në makinën e Dardhës.
Dardha ka punuar në Policinë e Shtetit deri në vitin 1997. Ai sapo ka mbërritur në ambientet e DVP Berat ku edhe do të merret në pyetje në lidhje me aktivitetin e tij kriminal.
