Një ngjarje e rëndë ka ndodhur në Tiranë ku një 16-vjeçare është dhunuar nga 3 të rinj të cilët më pas kanë tentuar ta digjnin të gjallë me benzinë. Në pranga kanë përfunduar 2 persona ndërsa është shpallur në kërkim 25-vjeçari Ardit Çela, me të cilin e mitura kishte bashkëjetuar.
25-vjeçari ka marrë dy shoket e tij, të cilët dhunuan dhe tentuan të digjnin me benzinë 16-vjeçaren.
Njoftimi i policisë:
Specialistët për Hetimin e Krimeve në Komisariatin e Policisë Nr. 2 arrestuan shtetasit E. H., dhe D. M., si dhe referuan materialet e shpallën në kërkim shtetasin A. Ç., 25 vjeç, pasi dyshohet se në ambientet e jashtme të një pallati, kanë ushtruar dhunë ndaj një 16-vjeçareje (ish-bashkëjetuesja e shtetasit A. Ç.), si dhe kanë tentuar ta dëmtojnë atë me lëndë djegëse (benzinë).
