Një sasi e konsiderueshme lënde narkotike kanabis sativa është sekuestruar nga policia e Gjirokastrës në zonën e Lazaratit. Në kuadër të operacioni policor, “Gjokaj” policia gjeti bimë të kultivuara dhe në proces tharjeje në banesën e 34 vjeçarit A.S., i cili u arrestua në kushtet e flagrancës. Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme, për veprat penale “Kultivimi i bimëve narkotike” dhe “Prodhimi dhe shitja e lëndëve narkotike”.
Policia bën me dije se ka bërë kontrolle të imtësishme dhe në disa zona të tjera të fshatit Lazarat.
