Aktorja Barbie Ferreira, e njohur më së shumti për rolin e saj si Kat Hernandez në "Euphoria", ka njoftuar largimin e saj nga seriali i HBO.
Barbie, personazhi i së cilës përpiqet të bëjë gjithçka për të ndryshuar reputacionin e saj në shkollën e mesme, e bëri të ditur lajmin në rrjetin social,Instagram.
“Pas katër vitesh që kam mishëruar personazhin më të veçantë dhe enigmatik Kat, më duhet të them lamtumirë me sy të përlotur”, shkroi ajo krahas një vizatimi “fan-art” të personazhit të saj,
“Shpresoj se shumë prej jush mund ta shihni veten në të si unë dhe se ajo ju ka sjellë gëzim për të parë udhëtimin e saj në personazhin që është sot. Kam vënë gjithë kujdesin dhe dashurinë time tek ajo dhe shpresoj që ju djema ta ndjeni atë. Të dua Katherine Hernandez”, përfundoi aktorja.
Lajmi vjen vetëm disa muaj pasi HBO u detyrua të mbrohej pas disa raporteve për një mjedis "toksik" në vendin e punës.
Disa anëtarë të pakënaqur të ekuipazhit folën për përvojat e tyre gjatë xhirimit të dramës duke akuzuar produksionin për dështimin për t'u siguruar atyre ushqimet e duhura dhe pushimet e nevojshme.
“Ndihej toksike për mua sepse nuk mendoj se dikush ishte vërtet i lumtur që ishte atje”, tha një person anonim për Daily Beast në mars.
Disa anëtarë të ekuipazhit pohuan se kishte aq shumë ankesa të bëra në sindikatat e punëtorëve SAG-AFTRA sa një përfaqësues nga organizata u shfaq në setin e Los Anxhelosit./Lapsi.al
