Sërish telashe për kryeministren e Finlandës Sanna Marin. Ajo kërkoi falje sot pas publikimit të një fotoje të dy grave topless duke u puthur në zyrën e saj.
Fotografia e konsideruar e pacipë shkaktoi edhe më shumë presion ndaj kryeministres 36-vjeçare, një nga lideret më të reja në botë. Pak ditë më parë ajo u detyrua të bëjë një test droge pasi u filmua duke kërcyer në një festë private.
Komentet janë nga më të ndryshmet pasi ka nga ata që e konsiderojnë si “të papjekur” ndërsa të tjerë thonë se ajo është viktimë e standardeve të dyfishta, pasi sjellja e politikanëve më të vjetër meshkuj komentohet më pak.
E fundit ishte një foto e 2 vajzave të njohura në rrjetet sociale në Finlandë që puthen të zhveshura në një rezidencë bregdetare të kryeministres.
Kryeministrja Marin konfirmoi se fotoja ishte bërë gjatë një feste private me miqtë pas një festivali muzikor në korrik.
"Ne kishim një sauna, notuam dhe kaluam kohë së bashku. Për mendimin tim, fotografia nuk është e përshtatshme, kërkoj falje për këtë.
Kjo lloj fotografie nuk duhej të ishte bërë, por përndryshe, asgjë e jashtëzakonshme nuk ndodhi në atë festë" – tha ajo.
Më herët u shfaq edhe një video e Sannës duke kërcyer me ish-modelen Sabina Särkkä në një pistë vallëzimi në një klub nate në orët e para.
38 vjeçarja mohoi të kishte një lidhje me kryeministren e martuar dhe këmbënguli se ato janë "thjesht mikesha të mira". ©LAPSI.al
