Një ngjarje tepër e rëndë mësohet se ka ndodhur në uzinën e armëve në Gramsh, e cila njihet zyrtarisht me emrin Uzina Mekanike Gramsh. Kjo është një ndërmarrje shtetërore e cila prodhon armë. Disa shtetas të dyshuar rusë, kanë sulmuar rojet e uzinës ushtarake duke lënë të plagosur dy roje. Në momentin që ushtarët janë afruar ka pasur një përleshje fizike mes palëve. Dy ushtarë janë helmuar dhe janë transportuar me urgjencë për në spitalin e Traumës në Tiranë, ku po marrin trajtim mjekësor.
Shtetasit rusë janë arrestuar nga Drejtoria e Policisë së Elbasanit, ndërkohë që për hetimin e kësaj ngjarjeje po merret antiterrori.
