Së fundmi janë publikuar fotot e plagëve të Angelina Jolie, të cilat dyshohet se janë shkaktuar nga konflikti me Brad Pitt në shtator 2016 në një avion privat.
Fituesja e Oskar-it paraqiti foto të mavijosjeve në dorën dhe bërrylin e saj në një hetim të FBI-së për incidentin që çoi në fundin e martesës së tyre.
Sipas raportit të FBI-së, Jolie u tha hetuesve se Pitt, i cili kishte qenë duke pirë, ie kapi nga koka dhe e shtyu në murin e banjës duke i bërittur: "Ti po e shkatërron këtë familje".
Dy nga fëmijët e tyre të mitur (emrat e të cilëve u redaktuan në raport) "ishin jashtë derës duke qarë dhe pyetën: "A je mirë mami?", pohoi ajo.
Pitt dyshohet seu përgjigj : "Jo, mami nuk është mirë. Ajo po e shkatërron këtë familje. Ajo është e çmendur”, thuhet në raport.
Sipas Angelina , ky koment bëri që një nga fëmijët e tyre të thoshte: "Nuk është ajo, je ti, njeri i pavlerë, gjë që ajo tha se e zemëroi Pitt. Aktorja më pas pretendoi se e pa atë të vraponte drejt njërit prej fëmijëve “sikur do të sulmonte”, dhe në atë moment ajo i vuri duart në qafë aktorit duke u përpjekur ta ndalonte.
Ajo pretendoi se pësoi lëndime në shpinë dhe bërryl si rezultat dhe ndau një foto të lëndimit në bërryl me FBI-në.
Sipas raportit, pas shqyrtimit të një deklarate të mundshme të shkakut në lidhje me incidentin, një përfaqësues nga Zyra e Prokurorit të SHBA "diskutoi rreth hetimitme agjentin e çështjes [FBI]".
“Është rënë dakord nga të gjitha palët që kallëzimet penale në këtë rast nuk do të ndiqen për shkak të disa faktorëve”, thuhet në raport.
Në prill, Jolie kërkoi raportin në mënyrë anonime dhe si Jane Doe - për të gjetur se pseBrad nuk u akuzua kurrë.
Ndërkohë, burime pranë aktorit thanë se të dyja palët kishin të njëjtin raport për gati gjashtë vjet, duke shtuar se ajo po e përdorte atë për një marifet mediatik. Edhe pse tani janë të divorcuar ligjërisht, ish-ët janë përfshirë në një luftë të ashpër për kujdestarinë e fëmijëve të tyre të mitur./Lapsi.al
