Një person vdiq pas të shtënave në rrugë mbrëmjen e djeshme në provincën e Pizës në Itali. Viktima është një 36-vjeçar shqiptar. Sipas një hetimi fillestar, shqiptari u qëllua me armë zjarri teksa ndodhej në një makinë që drejtohej nga një person tjetër, i njëjti që ka udhëtuar disa qindra metra për të mbërritur në një vend publik ku ka kërkuar ndihmë. Por fatkeqësisht 36-vjeçari ndërroi jetë në vend, shkruajnë mediat italiane.
Të shtënat ndodhën para darkës, rreth orës 19:30 përgjatë një rruge jashtë qytetit dhe ende nuk është e qartë nëse ka pasur dëshmitarë të tjerë. Por raportohet se dy persona u arratisën me një makinë tjetër me ngjyrë të errët. Zona përreth dhomës ku u ngrit alarmi është pranë të ashtuquajturit Parco delle fumarole, zona gjeotermale.
