Një ditë pas atentatit në autostradën Fier-Vlorë, ku u ekzekutuan me armë zjarri Shpati Lena dhe Hakim Xhezo, rreth 15 persona janë shoqëruar nga Policia e Vlorës. Ata janë shoqëruar nën cilësinë e personave të dyshuar apo dhe që mund të ndihmojnë hetuesit për zbardhjen e vrasjes .
Lena dhe Xhezo u ekzekutuan mëngjesin e së enjtes me breshëri plumbash nga tre kallashnikovëve. Atentatorët qëlluan nga makina e tyre paralel me makinën ku ndodheshin Shpati Lena dhe Hakim Xhezo. Si pasojë makina e viktimave humbi kontrollin dhe ra në kanal. Më pas dy nga tre autorët ndaluan dhe dolën nga makina dhe qëlluan përsëri drejt automjetit të dy viktimave. Ata u larguan vetëm pasi u siguruan që atentati u krye me sukses. Nga gjithë kronologjia e ngjarjes duket se saktësia dhe precizoni i autorëve ka qenë tepër i lartë. Sipas burimeve të policisë, autorët kanë ndjekur lëvizjes e viktimave prej ditësh, ndërkohë që dyshohet se autorët janë vrasës me pagesë.
