Ministria e Mbrojtjes në Kinë ka njoftuar sot se do të dërgojë trupa ushtarakë në Rusi për të marrë pjesë në stërvitjet e përbashkëta me Rusinë dhe vendet e tjera, përfshirë Indinë, Bjellorusinë dhe Taxhikistanin.
Ministria thekson se pjesëmarrja e Kinës në stërvitjet e përbashkëta me Rusinë nuk lidhet me situatën aktuale ndërkombëtare dhe rajonale.
“Objektivi është thellimi i bashkëpunimit praktik dhe miqësor me ushtritë e vendeve pjesëmarrëse, zgjerimi i nivelit të bashkëpunimit strategjik ndërmjet palëve pjesëmarrëse dhe rritja e aftësisë për t’iu përgjigjur kërcënimeve të ndryshme të sigurisë”, thuhet në deklaratën e ministrisë.
