Një 25-vjeçar shqiptar është arrestuar ditën e djeshme në Kos, Greqi, pas denoncimit të bërë nga një e mitur 17-vjeçare.
Turistja gjermane u ankua se pasi takoi sulmuesin e dyshuar në ishull në orët e para të mëngjesit, ata shkuan në plazh dhe kryen marrëdhënie.
Por, sipas dëshmisë së 17-vjeçares, kjo e fundit i ka kërkuar të ndërpresin marrëdhënien e tyre, ndërsa 25-vjeçari e ka detyruar të vazhdojnë kundër dëshirës së saj.
Tashmë adoleshentja gjermane po i nënshtrohet ekzaminimit mjeko-ligjor, shkruajnë mediet greke.
Pas denoncimit, i riu shqiptar u arrestua nga policia, por mohoi të kishte përdhunuar vajzën e mitur dhe pretendoi se ajo që ka ndodhur mes tyre ka ndodhur me pëlqimin e saj.
Mirëpo, 25-vjeçari nuk është mjaftuar me pretendimet e tij, por i ka ofruar “dhurata” oficerit të Policisë së Sigurimit, i cili i ka kërkuar falje para hetimit, për ta mbyllur çështjen pa akuzë.
Polici nuk iu dorëzua tundimit, dhe tashmë ndaj tij rëndon dhe akuza e tentativës për ryshfet ndaj punonjësit të policisë.
