Së fundmi është zbuluar lista e qyteteve në Mbretërinë e Bashkuar që mund të organizojnë Eurovizionin e vitit të ardhshëm.
Birmingham, Glasgow, Leeds, Liverpool, Manchester, Newcastle dhe Sheffield do të konkurrojnë për të organizuar ngjarjen në maj.
Njëzet qytete shprehën një interes, tha BBC, dhe ato që nuk hynë në listën e ngushtë përfshijnë Londrën dhe Belfastin.
Mbretëria e Bashkuar u zgjodh për të pritur konkursin pasi organizatorët vendosën se nuk mund të organizohej nga Ukraina, fituesit e vitit 2022.
Vendimi për ta zhvendosur atë nga Ukraina për shkak të luftës së vazhdueshme ka çuar në një proces të nxehtë përzgjedhjeje midis qyteteve që duan të tërheqin mijëra vizitorë dhe vëmendjen e rreth 160 milionë shikuesve televizivë në mbarë botën.
BBC tregoi se lista e ngushtë me shtatë anëtarë bazohej në aftësinë e qyteteve për të treguar se kanë "kapacitetin, aftësinë dhe përvojën për të organizuar një ngjarje të kësaj shkalle dhe kompleksiteti".
Shtatë qytetet e mbetura do të vlerësohen sipas një sërë kriteresh,duke përfshirë:
“Të ketë një vend të përshtatshëm dhe hapësirë të mjaftueshme për të përmbushur kërkesat e Konkursit të Këngës
“Angazhimi që mund të bëhet nga një qytet apo rajon për të pritur eventin, duke përfshirë edhe kontributin financiar
“Forca e ofertës kulturore që përfshin aktivitetin lokal dhe rajonal jashtë ekranit, si dhe shfaqjen e kulturës dhe muzikës ukrainase
Qyteti do të zgjidhet nga organizatorët e BBC-së dhe Eurovizionit dhe do të shpallet në vjeshtë.
Glasgow dhe Birmingham janë emëruar si më të preferuarit, ndërsa Glasgow dhe Manchester kanë rezultuar më të njohurit në sondazhet në faqet e tifozëve të Eurovizionit.
Organizatorët e Eurovizionit thonë se vendi pritës duhet të strehojë rreth 10,000 spektatorë, të jetë afër me një aeroport ndërkombëtar dhe të ketë strehim të mjaftueshëm në hotel për të paktën 2,000 delegatë, gazetarë dhe spektatorë./Lapsi.al
