Kryetari i Partisë Demokratike Sali Berisha ka komentuar deklaratën e ish-presidentit Ilir Meta një ditë më parë, i cili tha se në shtator do të punojnë për formimin e një qeverie teknike. Kryedemokrati Berisha, i cili edhe më herët është shprehur “pro” një bashkëpunimi me Metën, tha se ende nuk ka diskutuar për qeverinë teknike, por qëllimi i tyre i vetëm është rrëzimi i Edi Ramës.
Keni diskutuar për qeveri teknike në shtator?
Berisha: Ne nuk kemi diskutuar por Edi Rama duhet të largohet një ditë e më parë. Pas largimit të kësaj qeverie, detyra më themelore është përgatitja e zgjedhjeve të lira dhe të ndershme. A do ngarkohet një qeveri teknike apo një qeveri ad-hoc, do ta zgjedhin forcat politike.
