Një ngjarje e rëndë ka ndodhur mbrëmjen e sotme në Elbasan. Dy të rinj janë përleshur me njëri-tjetrin dhe kanë përdorur edhe kaçavidat. Policia bën të ditur se ka mbetur i plagosur 23-vjeçari Amarildo Ademi.
Burimet bëjnë të ditur se, është vënë në pranga autori i dyshuar i plagosjes, 19-vjeçari Enver Buzhani.
Policia e Elbasanit/ Informacion paraprak
Në lagjen ‘Emin Matraxhiu ‘, Elbasan, në ambientet e një lokali shtetasi E.B., 19 vjeç, banues në Elbasan, pas një konflikti për motive të dobëta ka goditur me kaçavidë shtetasin A. A., 23 vjeç, banues në Elbasan, i cili është transportuar në spital dhe ndodhet jashtë rrezikut për jetën.
Shtetasi E. B., është shoqëruar në Komisariatin e Policisë Elbasan, për veprime të mëtejshme procedurale.
Grupi hetimor po punon për zbardhjen dhe dokumentimin e plotë të rrethanave të ngjarjes.
