King Valentino Corleone i cili njihet në rrjetet sociale me nofkën Vali Corleone, kishte kohë që nuk përflitet për bëmat e tij.
Bëma të cilat dikur e kthyen në kryefjalën e mediave për jetën luksoze dhe deklaratat e tij. Corleone u rikthye në lojë, por këtë herë për një sulm me armë.
Corleone është plagosur me armë zjarri dhe në njoftimin e Policisë së Kosovës thuhet se autore e ngjarjes dyshohet të jetë një 22-vjeçare.
Një armë Pistoletë dhe dyzet (40) copë fishekë të të njëjtës armë janë konfiskuar në vendin e ngjarjes si prova materiale për Gjykatë, thuhet në njoftimin e policisë.
