Aktorja Margaret Qualley dhe artistja FKA Twigs janë përfshirë në një debat të ashpër verbal në hotelin Bel Air.
Sipas Page Six , arsyeja e debatit ishte mosmbështetja e aktores në padinë e Twigs kundër ish partnerit të tyre, Shia La Beouf.
Këngëtarja paditi aktorin e "Transformers" për sulm seksual dhe shqetësim emocional gjatë marrëdhënies së tyre, e cila zgjati nga vera e vitit 2018 deri në pranverën e 2019. (LaBeouf ka pranuar se ishte abuzues me ata që e rrethonin , por mohoi pretendimet e saj specifike).
Kur ajo zbuloi akuzat tronditëse për herë të parë në një intervistë me revistën Elle në shtator 2021, Margaret Qualley - e cila gjithashtu u takua shkurtimisht me LaBeouf në fillim të vitit 2021 - postoi deklaratën e saj në mediat sociale me mbishkrimin "Faleminderit".
Pas komentit, Twigs dhe Qualley shkëmbyen mesazhe dhe ajo shpresonte që aktorja do të pranonte të ishte dëshmitare në këtë çështje, e cila do të shkojë në gjyq në prill 2023.Por ,duket se u zhgënjye pasi Margaret nuk pranoi të jepte dëshminë e saj.
Për këtë arsye, disa burime kanë treguar se ato u konfrontuan para syve të të ftuarve të tjerë të hotelit dhe se i fejuari i Qualley, këngëtari i Bleachers, Jack Antonoff, doli në mbrojtje të saj dhe iu bashkua debatit./Lapsi.al
