Në këto ditë të nxehta të gushtit trazirat nuk kanë munguar në bregdetin e jugut. Mësohet se së fundmi një grup pushuesish janë përplasur fizikisht me njëri-tjetrin. Dy persona kanë mbetur të plagosur gjatë konfliktit që shpërtheu ditën e sotme, në plazhin e quajtur “Vega” të Vlorës. Dyshohet se shkak i këtij sherri janë bërë dy të rinj që kanë ngacmuar dy gra. Këtë skenë e kanë parë bashkëshortët dhe familjarët të cilët kanë ndërhyrë dhe janë përballur me dy të rinjtë. Policia njofton se shtetasit A. B., 38 vjeç dhe K. A., 42 vjeç, janë konfliktuar fizikisht me tre persona të tjerë, ende të paidentifikuar.
Grupi hetimor po punon për sqarimin e plotë të rrethanave të ngjarjes dhe identifikimin e personave të tjerë të përfshirë në konflikt.
