Aktorja Lisa Kudrow ka folur së fundmi për pjesëmarrjen e saj në serialin e viteve 1990 "Friends".
Gjatë një interviste të fundit në podkastin "Podcrushed", aktorja e "Easy A", kujtoi se ndihej keq gjatë veshjes së kostumeve sepse rrobat dukeshin më mirë veshur tek aktorët e tjerë.
"Duke parë veten në shfaqje, duke parë veten me rroba dhe duke parë Courtney dhe Jennifer, mendova, 'Oh, kanë mv shumë njohuri rreth modës, kështu që ato mund të diskutojnë me kostumografen si t'ua qepi veshjet që të duken mirë," tha ajo për "Podcrushed".
Lisa shtoi se kur arriti të 40-at, mësoi ta pranonte trupin e saj ashtu siç ishte. "Është në rregull. Kështu dukem unë,” pranoi ajo."Ju po dëmtoni veten. “Askush nuk ka nevojë që ju të jeni Tom Cruise ose aq i famshëm sa Tom Cruise. Për mua, në atë kohë, ishte Julia Roberts ose Meg Ryan. Askush në fakt nuk e kërkoi këtë nga unë.”
Kjo nuk është hera e parë që aktorja prek çështjet e imazhit të trupit ndërsa luante në sitcom. Ajo zbuloi në një episod të vitit 2019 të podcastit "WTF with Marc Maron" se kishte vuajtur nga dismorfia e trupit.
“Ju e shihni veten në TV dhe mendoni ‘O Zot, unë jam më e shëndoshë se Courteney dhe Jennifer, sikur kockat e mia ndjehen më të mëdha”, u shpreh ajo.
Fituesja e Emmy-t pranoi se dëshira për të qenë elegante për kamerën pothuajse e konsumoi atë./Lapsi.al
