Jason Momoa njoftoi në Instagram se Ben Affleck do të rikthehet si Batman në filmin e ardhshëm Aquaman.
Momoa, i cili portretizon protagonistin Arthur Curry në filma, ndau fotografi të tij dhe Affleck-ut në një postim.
“U ribashkuan Bruce dhe Arthur. Të dua dhe më mungove Beni”, ka thënë aktori në mbishkrimin e tij.
Vazhdimi i "Aquaman" është vendosur të dalë në mars dhe xhirimet pritet të përfundojnë në dhjetor.
Ndërkohë, një peticion ka qarkulluar që nga viti 2020 për të hequr aktoren Amber Heard nga vazhdimi i "Aquaman" mes çështjeve të saj ligjore me ish-bashkëshortin Johnny Depp.
Peticioni që atëherë ka arritur mbi 4.6 milionë nënshkrime dhe është në rritje.Heard vuri në dukje në rastin e saj të shpifjes në fillim të këtij viti se çështjet e saj të diskutueshme ligjore e detyruan Warner Bros të zvogëlojë në mënyrë drastike rolin e saj në vazhdim./Lapsi.al
