Zbardhet dëshmia e Arjan Tases, oficerit të policisë i cili goditi për vdekje me skaf një 7-vjeçare në plazhin e Potamit në Himarë.
Ai është marrë në pyetje nga efektivët e Agjencisë së Mbikëqyrjes Policore.
Sipas asaj që raporton News24, Tase ka deklaruar se skafi ka marrë gaz në mënyrë të menjëhershme dhe ka bërë një rrotullim duke goditur 7-vjeçaren.
Polici është shprehur se në mëngjes kishte shkuar me makinë në Porto Palermo për të marrë aty gomonen dhe se mjetin ia kishte marrë djalit të xhaxhait.
Sipas të njëjtave burime ai thotë se dhe vetë kishte leje drejtimi të mjeteve lundruese.
Tase kishte udhëtuar me gomone nga Porto Palermo në drejtim të Potamit ku do merrte gruan dhe fëmijët për t’i nxjerrë shëtitje në det. ©LAPSI.al
