Kryetari i Partisë së Lirisë, Ilir Meta ka reaguar në lidhje me deklaratat e kryeministrit Rama gjatë konferencës me homologun e tij spanjoll Pedro Sanchez. Meta tha se sjellja e Serbisë është destabilizuese, duke theksuar se tashmë me këtë që ndodhi në veri të Kosovës, u pa se kush është Ballkani i Hapur. Ish-presidenti deklaroi se teksa Serbia mbylli kufijtë “Rama mbylli gojën”, ndërsa theksoi se Beogradi tashmë duhet të vendosë sanksione ndaj Rusisë.
"Serbia kërkon ti shmanget përgjegjësive që është e detyruar ti qëndrojë. Ajo bën sikur nuk ekzistojnë me qëllim që të favorizojë një situatë jashtë kontrollit në veri të Kosovës. Se cfarë është Ballkani i Hapur tani është e qartë. Serbia mbylli kufijtë, ky tjetri mbylli gojën dje. Tani është koha që Serbia të vendosë sanksione ndaj Rusisë dhe jo të vendosë bllokada sepse është një vend që duhet të përmbushe detyrimet ndaj BE. Kjo është një sjellë destabilizuese që tregon qartë politikën e vërtetë të saj. Nuk e di sesi dikush të bëhet avokat i saj në mes të Tiranës.", tha Meta.
