Pas situatës së krijuar në veri të Kosovës, ka reaguar shefi i diplomacisë europiane, Josep Borrell. Borrell ka mirëpritur vendimin e qeverisë së Kosovës për shtyrjen e reciprocitetit ndaj targave dhe letërnjoftimeve të lëshuara nga Serbia deri më 1 shtator dhe ka thënë se pret që bllokadat e vendosura nga serbët në veri të largohen menjëherë. Përmes një postimi në Twitter, Përfaqësuesi i Lartë për Politikën e Jashtme dhe Sigurinë në BE e cilëson normalizimin e marrëdhënieve me rëndësi të madhe për rrugën drejt integrimit në Bashkimit Europian të dy vendeve të Ballkanit Perëndimor.
Pak pas mesnate, qeveria e Kosovës ka vendosur të shtyjë me një muaj vendimin për zbatimin e reciprocitetin ndaj Serbisë, për targat dhe dokumentet e identifikimit, kjo pasi serbët vendosën barrikada në rrugët që çojnë në dy pikëkalimet kufitare me Serbinë – Jarinjë dhe Bërnjak.
Shtyrja për implementimin e vendimit për reciprocitet me dokumente karshi Serbisë erdhi nga kërkesa e SHBA-së.
