Një 26-vjeçar është vënë në pranga pasi transportonte gjashtë emigrantë të paligjshëm në Pogradec. Policia njoftoi se i riu me iniciale S. H. drejtonte mjetin tip “Benz” pa leje drejtimi dhe u kishte marrë emigrantëve 5000 euro secili për kalim në vendet e BE-së.
Në operacion policor të koduar “Perimetri 186” u bë e mundur arrestimi i 26-vjeçarit dhe po punohet për për identifikimin dhe vënien përpara përgjegjësisë ligjore, të personave të tjerë të përfshirë në këtë veprimtari të paligjshme. Materialet i kaluan Prokurorisë pranë Gjykatës së Rrethit Gjyqësor Pogradec, për veprat penale “Ndihma për kalim të paligjshëm të kufijve”, kryer në bashkëpunim dhe “Drejtimi i automjeteve në mënyrë të parregullt”.
