Etleda Çiftja, anëtarja e Komisionit të Pavarur të Kualifikimit (KPK-së), është paraqitur ditën e sotme në Gjykatën e Posaçme të Apelit për Korrupsionin dhe Krimin e Organizuar. Prokurori i çështjes, ka shtyrë seancën gjyqësore ndaj Çiftjes, e cila akuzohet për fshehje pasurie.
Ndërkohë avokati i Etleda Çiftes deklaroi se e vetmja mënyrë për zgjidhjen e kësaj çështje ishte nëpërmjet gjykimit të shkurtuar. Seanca e rradhës është përcaktuar për t’u mbajtur në datën 12 shtator.
“Në seancën e kaluar prokurori i çështjes kërkoi që pretendimet e saj të jepeshin në shtator. Sot prokurori i çështjes ka sjellë një kërkesë që të shtyhet seanca ndaj klientes time. Duhet të bëhej gjykimi me urgjencë i kësaj çështje, nuk mund të pritet deri në shtator. Nëse ka apo jo konflikt interesi, atë nuk e cakton Etleda Çiftja”– u shpreh mes të tjerash, avokati mbrojtës i anëtares së Komisionit të Pavarur të Kualifikimit
