Një aksident ka ndodhur në aksin rrugor Korçë-Pogradec. Mësohet se aksidenti ka ndodhur në orën 13:00, në afërsi të fshatit Hudënisht, Pogradec, ku është përplasur një mjet tip “Benz” me një kamion.
“Rreth orës 13:00, në aksin rrugor Korçë-Pogradec, në afërsi të fshatit Hudënisht, Pogradec, janë përfshirë në një aksident rrugor mjeti tip "Benz" me drejtues shtetasin J. M., me mjetin tip kamion, me drejtues shtetasin N. N.”, njofton policia.
Për pasojë është lënduar J. M., i cili u dërgua për mjekim në spitalin e Pogradecit, ku ndodhet jashtë rrezikut për jetën. Me drejtuesin e kamionit po kryen veprime të mëtejshme procedurale.
