Policia ka vijuar kontrollet në shtëpinë e ish-efektivit, Remal Rada i cili u kap ditën e djeshme me një snajper në makinë i shoqëruar nga shoku i tij Elton Hithi. Pas kontrolleve të ushtruara, është zbuluar arsenal armësh në shtëpinë e Radës icili prej dy muajsh ishte larguar nga detyra e oficerit të forcave “RENEA”.
Materialet shtesë i kaluan Prokurorisë, për veprime të mëtejshme procedurale, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Mbajtja pa leje e armëve të ftohta” dhe “Mbajtja pa të drejtë e uniformës”.
