Camilla Parker Bowles nuk është anëtarja e familjes mbretërore që bëri komentet raciste për fëmijët e Princit Harry dhe Meghan Markle, thonë burime të shumta për Page Six.
Akuzat erdhën nga libri i ri, "Revenge: Meghan, Harry and the War Between the Windsors" nga Tom Bower. Ai raporton se, në ditët e para të romancës së Harry-t dhe Meghan në vitin 2016, Dukesha e Cornwall-it tha gjatë një bisede me Harry-n: "A nuk do të ishte qesharake nëse fëmija juaj do të kishte flokë afro-xhinxher?"
Duka dhe Dukesha e Sussex thanë në intervistën me Oprah se një anëtar i familjes mbretërore kishte pyetur se çfarë ngjyre lëkure do të kishte fëmija i tyre, por nuk e përmendën emra, vetëm më vonë përjashtuan mundësinë e Mbretëreshës Elizabeth dhe Princit Philip.
Sidoqoftë, një burim i tha Page Six: "Camilla nuk është raciste - mund t'ju them kategorikisht se ajo nuk është anëtarja e familjes mbretërore për të cilën po flisnin Harry dhe Meghan".
Page Six ka raportuar më parë se Harry nuk është një fans i madh i njerkës së tij, por një tjetër burim i brendshëm i pallatit tha:
“Po, Harry mund të mos e dojë Camilla-n, por kjo daton shumë vite më parë – shumë përpara se të takonte Meghan. Dhe kjo nuk ka të bëjë me ndonjë racizëm të supozuar.”
Në libër, Bower gjithashtu raporton se Sussex-ët mund të kenë ikur familja mbretërore për shkak të problemeve me Camilla-n dhe spekulon se Harry do ta ekspozojë atë si raciste në kujtimet e tij të ardhshme.
