Drama mes këngëtares Shakira dhe ish të dashurit të saj Gerard Pique ka marrë një kthesë të re pasi këngëtarja kolumbiane u pa në Kaliforni me fëmijët e tyre, Milan dhe Sasha.
Javët e fundit janë shtuar spekulimet se këngëtarja ka gjetur një të dashur të ri, yllin e “Captain America”, Chris Evans. Madje ai ka shkuar aq larg sa ka deklaruar se Shakira ishte “spektakolare” dhe do të kërkonte një “partner të qëndrueshëm sentimental” pas Pique.”
Ajo që është edhe më interesante është se dyshja nisën ta ndiqnin njëri-tjetrin në rrjetet sociale vetëm kur u bë e njohur ndarja e Shakirës nga Pique, duke e shtuar më shumë zjarrin e thashethemeve.
Pique, ndodhet gjithashtu në Shtetet e Bashkuara, edhe pse shumë larg nga Shakira pasi përgatitjet parasezonale të Barcelonës janë duke u zhvilluar në Miami.
Fakti që Shakira, e cila gjithashtu ka shtëpi në Miami dhe Bahamas, vendosi të udhëtonte me fëmijët e saj në Kaliforni, do të thotë se udhëtimi është më shumë për kënaqësi sesa biznes.
Këngëtarja zakonisht udhëton vetëm, pa fëmijët e saj për të regjistruar videoklipet muzikore në Los Angeles.
Dihet tashmë se Shakira shpreson të shpërngulet njëherë e mirë në Miami me fëmijët e saj, por Pique nuk dëshiron që ata të largohen nga Katalonja
