Drake ka konfirmuar së fundmi se ishte ndaluar nga policia në Suedi pasi ekipi i tij mohoi thashethemet.
Reperi i "Jimmy Cooks" ndau një foto në Instagram të dielën e një fletushke ku detajoheshin të drejtat e tij në vendin evropian si i arrestuar.
"Informacion për ata që dyshohen për një krim dhe më pas të arrestuar", fleta thoshte në krye nën fjalën "Polisen", që do të thotë "polic" në suedisht.
Më pas, printimi rendit të drejtat e të paraburgosurit, si dhe ato të një personi që "nuk është shtetas suedez", si Drake, i cili vjen nga Kanadaja.
Ai gjithashtu nënvizoi se çfarë ndodh pasi një person ndalohet, duke përfshirë marrjen në pyetje për "maksimumi gjashtë orë" ose mbajtjen në paraburgim.
Drake, përfshiu fotografinë e udhërrëfyesit së bashku me një seri fotografish më pak serioze, duke përfshirë një video të mikut të tij Chubbs .Ekipi i artistit fillimisht mohoi se ai kishte pasur një përplasje me policinë suedeze.
Javën e kaluar, u përhapën thashethemet se fituesi i Grammy-t ishte arrestuar për akuza të lidhura me marihuanën ndërsa po festonte në një klub suedez pasi mbërriti në vend me avionin e tij privat të quajtur Air Drake. Spekulimet madje bënë që hashtagu #FreeDrake të bëhet trend në Twitter.
Por ekipi i tij i tha Hollywood Reporter se Drake nuk u arrestua dhe se ai ishte në hotelin e tij në Stokholm. Megjithatë, ata nuk e mohuan se ai ishte marrë në pyetje./Lapsi.al
