Ish-kryeministri i Maqedonisë së Veriut, Nikolla Gruevski, pasi humbi pushtetin po humbet dhe familjen. Pas dënimit me burg për shpërdorim detyre dhe arratisjes ne Hungari bashkëshortja e tij, Borkica Gruevski, ka kërkuar divorcin. Sipas agjencisë së lajmeve INA, Borkica ka paraqitur në gjykatë, kërkesën për divorc. Kerkesa poashtu është publikuar edhe në numrin e djeshëm të Gazetës Zyrtare, sepse nuk ka mundur në formë tjetër tia dorëzojë ish bashkëshortit të saj.
Gjykata e Shkupit ka dënuar ish-kryeministrin e Maqedonisë së Veriut, Nikolla Gruevski me nëntë vite burg për shpërdorim të detyrës në vitin 2011 dhe 2012.
Gruevski së bashku me disa ish-zyrtarë maqedonas janë dënuar për rastin e njohur si “Kosmos”, rrënimin e një objekti të një biznesmeni që kundërshtonte politikën e partisë asokohe në pushtet VMRO-DPMNE.
Borkica u martua me Nikolla Gruevskin në vitin 2007. Ata ishin bashkë deri në vitin 2018, kur Gruevski u arratis në Hungari. Çifti ka dy fëmijë.
