Queen kanë bërë historinë e listave në Mbretërinë e Bashkuar duke u bërë grupi i parë që shiti shtatë milionë kopje të një albumi.
Albumi i tyre i parë Greatest Hits, i cili përmban këngë klasike si We Will Rock You dhe Bohemian Rhapsody, ka qenë një bestseller i përhershëm për vite me rradhë.Kohët e fundit ai kaloi javën e tij të 1000-të në tabelën e albumeve në Mbretërinë e Bashkuar.
Kitaristi i Queen-it, Brian May e quajti arritjen e fundit "lajm të gëzueshëm".
"Asnjë album nuk e ka bërë këtë më parë në histori," tha ai në një deklaratë. "Faleminderit, ne e vlerësojmë atë."
Bateristi Roger Taylor shtoi: "Publiku britanik dhe shija e tyre pafundësisht e shkëlqyer e kanë bërë këtë albumin më të shitur në histori.
"Faleminderit shumë, jemi të përulur dhe të nderuar. Ju përshëndesim!"
Albumi i dytë i Queen's Greatest Hits, i lëshuar në tetor 1991, një muaj para vdekjes së këngëtarit Freddie Mercury - është gjithashtu rekordi i dhjetë më i madh i Mbretërisë së Bashkuar, me shitje rreth katër milionë.Kënga më e transmetuar e albumit është Bohemian Rhapsody, me 240 milionë transmetime në Mbretërinë e Bashkuar.
Në Spotify, Queen aktualisht është grupi i 31-të më i dëgjuat në botë, përpara artistëve të tjerë klasikë si The Beatles, që zënë vendin e 44-të dhe Michael Jackson, i cili është i 68-ti./Lapsi.al
