Sipas gazetares Klodiana Lala, Brilant Martinajn, një nga tre viktimat dhe shënjestra e dyshuar e masakrës së Fushë Krujës, e kanë shitur.
Në emisionin "Open" gazetarja theksoi gjitha faktet dhe dinamika e ngjarjes tregojnë se me shumë gjasë Martinaj është nxjerrë në pritë.
"Sigurisht por nuk mund të vritej Brilant Martinaj pa një person që ta nxirrte në pritë. Fakti që qëndroi në një servis, tregon se personat që e ndiqnin kanë pasur informacion për lëvizjet e tyre. Personi i parë që është pyetur është pikërisht pronari i biznesit, se është i pari që ka folur me ta. Ai ka pasur lidhje të forta me policinë. Mbrëmjen që vrau Xhulio Prelën iku në Kosovë dhe policia nuk e ndaloi. Njerëz që kishin informacion për lëvizjen e tij e kanë shitur në një farë mënyre, sepse ai nuk ishte shënjestër e lehtë. Ai lëvizte me automjete të blinduara, 5 makina janë në zonën e Niklës që i di unë." - u shpreh gazetarja.
Lexo më tej: Klodiana Lala ‘zbërthen’ mesazhin e autorëve të masakrës në Fushë Krujë: Ne ju shfarosim
