Kjo është foto e të tre shokëve bashkë, Brilant Martinajt, Diklen Vatës dhe Besmir Hoxhës, të cilët u vranë në një atentat mafioz të dielën në mbikalimin e Fushë-Krujës.
Përkatësisht, nga e majta është Besmir Hoxha, në mes Diklen Vata dhe në anë të djathtë të fotos është Brilant Martinaj.
Lexo më tej: E gjejnë vrasësit, por jo drejtësia/ Eleminohet Brilant Martinaj në Laç
Të tre po udhëtonin me një makinë Volkswagen Passat dhe në mbikalimin e Fushë Krujës atyre ju bë pritë nga një makinë tjetër që po udhëtonte përballë tyre.
Autorët hapën breshëri me kallashnikov duke gjuajtur mbi 60 plumba. Dyshohet të kenë qenë 4 autorë, 3 në rolin e ekzekutorit dhe 1 shofer i mjetit.
Hetuesit mendojnë se shënjestra ka qenë Brilant Martinaj. Diklen Vata arriti të dilte nga mjeti, por u qëllua në distancë të afërt sërish nga vrasësit duke e lënë të vdekur në vend. Ndërsa Martinaj dhe Besmir Hoxha u dogjën brenda automjetit që shpërtheu në flakë pas të shtënave me kallashnikov.
